#qabıllaw2018 МАГИСТРАТУРА ИМТИҲАНЛАРЫ ҲАҚҚЫНДА

#qabıllaw2018 МАГИСТРАТУРА ИМТИҲАНЛАРЫ ҲАҚҚЫНДА

Магистратура имтиҳанлары усы жылдан баслап өзгериўи күтилмекте. Министрлер Кабинети қарары жойбары бойынша, магистратурада тек қәнигелик пәни ҳәм шет тилинен имтиҳан болады.

Атап өтсек, Нызамның 14-бәнди төмендегише редакторланыўы күтилмекте:

“14. Магистратураға кириў сынаўының улыўма баллары төмендегилерди қурайды:

магистратураға кириўде таңлаған қәнигелик бойынша билим дәрежесин белгилеўши арнаўлы пәнлерден сынаў өткериледи (баҳалаў критериясы 0 баллдан 100 баллға шекемди қурайды);

шет тили (шет тиллер филологиясы, шет тили ҳәм әдебияты тәлим бағдарлары базасындағы қәнигеликлер ушын екинши шет тили) пәни бойынша сынаў өткериледи (баҳалаў критериясы 0 баллдан 50 баллға шекемгини қурайды);

Жоқары оқыў орнын питириўшисиниң улыўма рейтинги яки өзлестириў көрсеткиши (өзлестириў тийисли рәўиште 55 баллдан 100 баллға шекемги болған диапазонда жүзден бир анықлықта, өзлестириў пәнлериниң орташа балы арқалы аңлатылады) анықланады.

Халықаралық тән алынған шет тилин билиў дәрежеси ҳаққындағы сертификат (TOEFL бойынша кеминде 58 яки IELTS бойынша кеминде 5 балл, TestDaF (TDN3), CEFR бойынша кеминде B2) яки Мәмлекетлик Тест орайы тәрепинен берилетуғын Шет тилин билиў дәрежеси ҳаққындағы B2 яки С1 дәрежесиндеги сертификат усынғанларға 50 балл қойылады ҳәм олар шет тилинен кириў сынаўында қатнаспайды.

Магистратураға оқыўға кириўде ең көп (максимал) топланыўы мүмкин болған балл – 250 баллды қурайды.”

Қарар жойбары менен толығырақ төмендеги беттен (блоггер Ҳушнудбектиң арнаўлы бети) танысыўыңыз мүмкин.
Бирақ ҳәзирше усы қарар тастыйықланбаған. Магистратура имтиҳанларына санақлы күнлер қалған болса да.

Дерек көзи: Xushnudbek